نبدأ تقريرنا
هذي المرة مع ابتسامة صغيرة وصااااادقة من قلب ابيض
والى
أمس الاثنين
الساعة 11 ص انطلقنا باتجاه الاكواريوم
وتعمدت اختيار هذا الوقت ، لعدة أسبااب :
1- عدم وجود زحام
2- ناخذ راحتنا في الجولة والاستكشاف
3- وأهم شي عدم وجود زحااااااااام السيارات والمواصلاات ، مثل وقت العصر او المغرب
4- لم تبدأ الاجازة الفعلية للمرحلة المتوسط والثانوية ، اللهم لا شماااااااااااااته
لأنهم هم المسببين للزحمااااااات
5- اسباب خاصة
نبدأ تقريرنا :
مواعيد العمل:
بالنسبة لأسعار التذاكر
50 ريال للكبار والصغار ( اللي أقل من سنتين مجاناً )
اتذكر سعر أكواريوم كيب تاون (118 راند ) = 44 ريال للكبار
والصغار 34 ريال
هذا اذا جيت طلبت تذكرة من الشباك
أما ذا طلبتها عن طريق النت وطبعتها = 40 ريال
عالعموم
المساحة هناك اكبررررر وحيوانات متنووعة وأكثر
وسعر اكواريوم تركيا
الكبار= 50 ريال
الصغار=35 ريال
اتجهنا لمواقف السيارات
ومثل ماقلت لكم وقتنا مناااااااااااسب جداااا
لعدم وجود الزحااام
وتتبع بعدها اللوحات الارشادية
لتوصلك الي البوابة الرئيسية
في أقصى اليمين تجد شباك التذاكر
تختار التذكرة اللي تناسبك
يوجد تذكرة خاصة بالاكواريوم
وتذكرة أخرى خاصة بعرض الدلافين
بعد قص التذاكر
تُعطى مطوية
تحتوي معلومات عن الأكواريوم وفيها خريطة أو مخطط للمبنى
وترقبوووووااا
وهنا أضع لكم الصور وبدون ترتيب مقصود
ترتيب عشواااائي
هذا المكااان بالنسبة لي هو افضل شيء بالاكواريوم كله
هاه كيف الصورة
واضحة ..........تشوفوني والا لا
طبعا ممنوع استخدام فلاش الكاميرا
نجم البحر
يوجد له في كل طرف من اطرافه (عين)
ويوجد منه نوع اخر تسمى ( النجمة الحساسة )
وش تتوقعووون هذا الاسووود
أول مرة اشوفه اصلا
اسمه ( خيار البحر )
هذي مدري وش هي ( سمك والا ثعبان صغييير )
ولا سألت عنها
تغوص في الرمال وتطلع زي ماهي كذ واقفه وعلى ذا الحااال
بس ذكرتني بلعبة قديمة كنا نلعبها زمااااااااان اول
لعبة قيااااااااااام جلووووس وقوووف ....خخخههه
بعد ما خلصنا من جولة الاحواض المائية والاكريليك
توجهناااااااااااا إلى :
صلينا الظهر بالمسجد الداخلي
وصراحة هذا شي يشُكروووون عليه المنظمين انهم اهتموا بهذا الشي الضروري
ويوجد مصلى داخلي + وواحد خاجي
دورات اللمياه متوفرة + ونظيييفة
وبعد الصلاة
تغدينا بالمطعم الداخلي
يوجد اثناء خروجكم
محل للتصوير
يصور ويطبع ويضعها لك في اطار او برواز حسب اختيارك
وترى جنب المطعم
سوق أومحل الهدايا والمجسمات البحرية والالعاب (صغير ومختصر )
وبعد المطعم
حضرنا عرض الدلافين
طبعا اتفقوا مع هذي البنوتة من الجمهور
انها تشاركهم في العرض
بالنسبة لي شخصياً:
العرض ماش حلو بس ماهو ذيك الحلاوة
والمدربين كأنهم ماهم متفاهمين
أو ان الدلافين زعلانة منهم ومسويه مقلب فيهم وعيت تطيعهم قدام الجمهوور
وبعدها غادرنا
واثناء الخروج مرينا على الفقمة
أو ( كلاب البحر )
(أو أسد البحر)
سمها ماشئت
ادري انها ماهي باينة
وش اسوي عيت تطالع فيني
وبعد خروجك من عرض الدلافين تجد
جلسات مطلة على الشاطئ
رائعة جدااااااا
بس الجو ( ما يساااعد )
يمكن في ايام الربيع الجو يكون خرااافي وطلالة جميلة
بس هالايام
ماهو وقته
وكذلك يوجد بالداخل
محل بيع حلويات وألعاب
يوجد داخل المحل
مسرح اطفال
شكرا لمتابعتكم
واللي عنده سؤال
او اعتراض
يتفضل
في أمان الله
