منوعات اوروبية 1

طبعا هذي أول مرة أسافر

وأستاجر سيارة بالخارج

وكنت قلقان من تطبيق النظام المروري

ومعرفة الاشارات والعلامات

وشايل همها

ولكن والله شيء ممتع جدا

السواقة هنا غييير

مع الجو والطبيعة والمطر

صح اني حسي بربكة في أول يومين بس بعدين صار الوضع عادي جدا

لكن من الأشياء اللي ما ألقيت لها بال

محطة البنزين

أول ماوقفت فيها أنتظر أحد يجي يعبي

وما جاء أحد

وعلى بالي زي عندنا 

أنتظر العامل يجي يعبي

وين البنقالي ماجاء هههه

والله وأنزل 

وأتفرج 

وأشوووف هذي قدامي

اوف أوف وش ذا الثلاث ليات

ياربيييي وش اسوي 

وكيف هالحين اعبي

وبعدين تذكرت مكتب تأجير السيارات 

قالي عبْ 95

بلشة ياخي كيف اضغط هذا

وكل ماضغطت شوي وقف

ونسيت المثبت اللي فيه

يالله قاعديين نتعلم

وش ورانا

ماسك فيه 

اخاف لا يطيح والا ينفلت عليّ

واحد ماهو واااالف

وطلعت الشغلة بسيييطة مررررة

وصرت افرح متى يخلص البنزين عشان اروح اعبيء

هههههه

وهالحين أي واحد يبغى أعبي له بنزين والا حتى ديزل 

في السعودية يكلمني...

وهنا حطة ثانية

وش الفكرة هنا

أول ما توقف سيارتك

وتطفيها

تعبيء النوع المناسب للسيارة

وتخليها مكانها

وتدخل عند صاحب المحل أو السوبر ماركت

وتقووول له رقم اللوحة اللي انت عنده تلقاه بالاعلى 

وهنا واضح رقم 3

وتحاسب 

وبكل بسااااطة

بس البنزين غاااالي جدااا

ما أذكر اني عبيتها فل

لكن مرتين وأنا اعبيها 

وهي على  النص وكلفتني 200 ريال

------------------------------

في هذي اللوحة تبين لكم السرعة المطلوبة

على حسب المنطقة

مرة 80 ومرة 100 ومرة 130

وهكذا

ومركبين فوق 

ساااااهر

------------------------

هنا استخدام الخطوط السريعة

عليه ضريبة 

لازم تدفعها اذا مريت فيه

قيمتها 9 يورو

وانت منطلق وماشي في الخط السريع

بعد فترة اذا اقتربت من نهايته

تجد بوابات وحواجز

للدفع

فيه موظفين

وفيه مسار خاص ببطاقة الصراف 

اذا حبيت ماتوقف في السرا

-------------------------

من الاشياء التي تُحاسب عليها

وضع الملصق الامامي على القزاز

لاستخدام الطرق السريعة بين النمسا وسويسرا

قيمتها صراحة اني ما اذكرها

بس انه بسيط يمكن 30 فرنك

وتلقاه ينباع في كل المحطات اللي على الطرق

واذا مالصقته

ياويلك ياسواد ليلك

من الغرامة 

تقريبا 200 فرنك سويسري

===================

وأيضا من الأشياء المربكة 

لي ولأول مرررة

كيفية استخدام المواقف

والحساب فيها

وهذي سالفتها طوويلة

وطلعت أشكال وألوان هنا

تعتمد على ألوان الخطوط اللي في أرضية المواقف

الاصفر

 مخصص للسيارات الرسمية

مثل الشرطة والاسعاف والتكاسي وغيرها

ممنوع الوقوف فيها

والأبيض

مجاني يسمح لك بالتوقف وبلاش

والازرق

مجاني لساعات محددة تجدها مكتوبة على اللوحة

وهذي كلها مواقف مكشوفة في الهواء الطلق

\

وغيرها تحت الحراسة أو المباني

وهكذااا

وهنا مثال تطبيقي

ندخل موقف تحت السوق 

دخول عادي تضغط الزر 

وتسحب الكرت

وتفتح لك البوابة

وتوقف بأي مكان

إذا اردت الخروج

قبل ما تحرك سيارتك

تمر على الجهاز وتدخل البطاقة

ويطلع لك المبلغ المطلوب وتتدخل العملات المعدنية

أو الورقية حسب الجهاز

ويختم الورقة ويرجع لك الباقي حتى لو هللات

نااس نظام ياعمي 

وتاخذ البطاقة مرة ثانية وتشغل سيارتك وتطلع من المواقف

ويقابلك الحاجز

وتدخل الكرت وتفتح لك

اذا مافتحت يعني انت مادفعت 

أو ماختمت ورقتك 

وهنا صورة لمواقف أخرى

نفس الفكرة

بس لازم تحط الورقة على الطبلون

ما تاخذها معاك

=====================

نغير شوي عن الاشياء المرورية

من الاشياء الجميلة في الفنادق هنا

كرت الفندق

أو كرت الخصم

لك عدة أنشطة وبرامج ومحلات
وباصات ورحلات
تدخلها مجانا
وبعض بربع المبلغ
واخرى بنصف المبلغ

تشجيع ياعمي على السياااااحة 

=======================


السوبر ماركت 

في السوبر ماركت
أو في المطااار

اذا احتجت لعربة


تدخل اي عملة معدنية
اي عملة
وأنا أقصد هذي العبارة

حتى لو نص ريال سعودي 

لأنك راح تحصل العربات
مربوطة بسلسلة 
وماتفك لك الا بالدفع قصدي دفع مبلغ

واذا خلصت من العربة ورجعتها

وربطتها بالسلسلة 

تعطيك مبلغك

ردا لجميلك انك رجعتها لمكانها

واذا 

ماتبغى ترجعها لمكانها وتخليها بأي مكان

عااااادي

يجي اي واحد يأخذها ويرجعها ويأخذ العلمة المعدنية اللي فيها

حق تعبه

شفتوا

كيف بالله النظام والقوانين حلوة

اي واحد عنده اسئلة 

او اقترااحات 

يتفضل